EXCURSIÓN FIN DE CURSO

O día 13 de xuño fomos a Sobrado dos Monxes á CASA DO QUEIXO. Pasámolo XENIAL!!! VIAXE 

TAPÓNS PARA UXÍA

Os alumnos e alumnas de 4º tamén participamos na campaña solidaria "TAPÓNS PARA UXÍA"

VISITA DE ÁNXELA LOUREIRO

Por fin visitounos Ánxela Loureiro!!!
O día 10 de xuño tivemos a sorte de coñecer a esta escritora e pasar uns momentos enormemente divertidos. 
Aquí temos o recordo desta agradable visita.

Ánxela Loureiro e os seus libros

Neste trimestre limos con moito interese "Viaxe de ida e volta". Este libro trata das aventuras que pasa o caracol Fol para atopar ao seu irmán Mol e ao resto da súa familia.

 

E tamén "Ota quere voar". Esta é a historia dunha gaivota desde o seu nacemento ata que se fai mior. Ao longo do tempo, Ota vai descubrindo cousas moi fermosas e tamén pasará por situacións perigosas, pero pouco a pouco aprenderá a sobrevivir.

Estes dous libros foron escritos por Ánxela Loureiro

E léronse con especial ilusión porque dende Nadal sabemos que imos ter un encontro con esta fantástica escritora e estámola esperando moi emocionados. Xa sabemos que o día 10 de xuño virá ao noso colexio. Entón poderemos preguntarlle moitas cousas relacionadas cos seus libros e os personaxes tan divertidos que aparecen neles.

Para darlle a homenaxe que se merece fixéronse unha morea de traballos: acrósticos, cartas, retratos, biografías imaxinarias, comics, debuxos, poesías... e con todo iso faremos un libro para entregarllo  cando nos visite.

Unha mostra dos traballos realizados

LETRAS GALEGAS

Este ano o escritor homenaxeado o Día das Letras Galegas é  

Xosé María Díaz Castro

 

Para coñecer a figura deste personaxe importante da nosa cultura podedes consultar estas páxinas:

Asociación cultural Xermolos

Seminario Galán

Xosé María Díaz Castro

Para conmemorar o DÍA DO LIBRO fixemos dúas actividades moi interesantes: un traballo informativo sobre diferentes tipos de embarcacións e un conto ilustrado que tivese relación co mar e coas embarcacións. Todo isto seguindo as pautas marcadas pola biblioteca do noso centro, que este ano ten como temática xeral "O MAR"

Aquí está unha mostra do realizado.

Mapa das Comunidades Autónomas

Se queredes aprender moi ben as Comunidades Autónomas de España pinchade no mapa.

Fomos ao teatro Colón

E chegou o día de ir ao teatro Colón para ver "Valados". Que bonita esta obra, verdade?





Maís adiante, o día 12 de maio, recibimos a visita de Xoel, o protagonista de Valados. Todos desfrutamos un montón coa súa presenza e co que nos contou.

VALADOS

O día 10 de abril teremos a oportunidade de ir ao teatro Colón para ver a obra VALADOS representada por Artestudio.

Esta obra está baseada no libro de Agustín Fernández Paz do mesmo nome.

 Sinopse da peza teatral

 

Esta é a historia de Helena e Xoel. Da súa fermosa amizade e da súa vila, chea de  vida  ata  que  un  vento  fantasmagórico  lle  rouba  a  ledicia  e  o  amor  e aproveita as deliciosas diferenzas entre as persoas para convertilas en prexuízos: o medo ao diferente, a desconfianza no veciño…

Prexuízos adultos suficientes para erguer un VALADO que parte a cidade en dous, deixando a Helena a un lado e a Xoel ao outro.

A rebeldía, o inxenio e o amor que os unen serán as ferramentas para crear artimañas de comunicación e seguir así xuntos aínda que separados.

Un espectáculo no que a través da música, a máis grande das artes, a danza, a máis efémera, e o teatro, a máis directa, lanzamos ao ceo un papaventos cunha mensaxe de reflexión, esperanza e insurrección.

BOCATAS SAUDABLES

Os alumnos de 4º, xunto cos demais alumnos do colexio María Pita, participamos no programa "ALIMENTA-T BEN". As actividades realizadas o día 7 de marzo foron moi divertidas. Primeiro recibimos información sobre os distintos tipos de alimentos e a importancia que teñen para o noso corpo. Despois participamos nun concuso de preguntas relacionadas coa alimentación, sobre todo de produtos do mar. Por último elaboramos os "bocatas" cos ingredientes que máis nos gustan. Riquiiiisimos!!!

O entroido no colexio

Entroido on PhotoPeach

DÍA DE ROSALÍA

O 24 de febreiro é o día dedicado a Rosalía de Castro. Sabedes por que?

Buscade AQUÍ para informarvos.

POEMAS MUSICADOS

Adiós ríos, adiós fontes
Negra sombra
Un repoludo gaiteiro
Campanas de Bastabales

RECORDO DA NOSA VISITA AO MUNCYT

MUNCYT on PhotoPeach

Visita ao MUNCYT

O día 13 de febreiro visitaremos o museo da ciencia e da tecnoloxía (MUNCYT).

Se queres máis información consulta a súa páxina: http://www.muncyt.es/

FOTOS DÍA DA PAZ

Este é o recordo gráfico do DÍA DA PAZ 2014.


DÍA DA PAZ on PhotoPeach

DÍA DA PAZ

Se queredes aprender moito sobre este tema pinchade neste enlace: PAZ

Aquí tedes as biografías dalgúns grandes personaxes pola paz e tamén xogos que tratan este tema.

CANCIÓNS DE PAZ

Para celebrar este día realizamos diferentes actividades, unha delas foi a elaboración, en cada clase, dunha barca co nome dun personaxe relacionado coa paz.

As nosas barcas levaron estes personaxes: 

 MARTIN LUTHER KING (4ºA)

 

 JEAN HENRI DUNANT (4ºB)

 

 

FRÉDÉRIC PASSY (4ºC)

 

Concerto no Pazo da Ópera

O día  15 de xaneiro, os alumnos de 4º visitaremos o Pazo da Ópera para escoitar e desfrutar cos  "Clásicos" :  Vivaldi, Bach, Rossini, Mozart, Beethoven...
 Se queredes saber máis destes grandes compositores e escoitar algún fragmento das súas obras pinchade aquí:


OS CLÁSICOS

Nadal 2013

Canto desfrutamos da festa de Nadal 2013!

Nadal 2013 on PhotoPeach